Næst-elsti eða elsti?

Fram kemur hinsvegar í tímaritinu Science að vísindamenn frá háskólanum í Montreal og við Carnegie stofnunina í Washington, sem hafa unnið að aldursgreiningu bergsins við Hudson Bay telji að það sé á bilinu 3,8-4,28 milljarða ára gamalt og þar með eldra en berggrunnurinn við Acasta Gneiss sem áður var talinn sá elsti í heimi. Hann er 4,3 milljarða ára gamall.

Ef berggrunnurinn við Acasta Gneiss er 4,3 milljarða ára gamall, en grunnurinn við Hudson flóann á bilinu 3,8 til 4,28 milljarða ára gamall, er þá hinn fyrrnefndi ekki ennþá eldri en við Hudson?

Vinsamlegast ákveðið ykkur áður en þið tilkynnið svona staðhæfingar. Ég nenni ekki að leita að upprunalegu fréttunum sem þið þýðið (með misjöfnum árangri) í hvert sinn sem þær birtast. Hin aðferðin væri að gera eins og aðrir góðir fjölmiðlar, að vísa í upprunalegu heimildirnar. Þið tapið engu á því.

Elsti hluti jarðar í Quebec

Athugasemdir

[Marinó G. Njálsson, 25.9.2008 kl. 19:20]

Það féll greinilega út eitt stykki 0.  Acasta Gneiss er 4,03 milljarða ára samkvæmt Wikipedia.

[Sigurður Axel Hannesson, 25.9.2008 kl. 19:38]

Takk fyrir þessar upplýsingar! :)

Ég er þó enn þeirrar skoðunar, að það sem fjölmiðlar mata mann á, eigi að vera eins réttar upplýsingar og mögulega eru í boði hverju sinni. Bagalegt er að lesa frétt, og þurfa svo að afla sér frekari heimilda aðeins til þess að staðfesta sannleika fréttarinnar hverju sinni, ekki satt? :)

[Guðmundur Ásgeirsson, 25.9.2008 kl. 20:05]

Jú og það er enn bagalegra þegar svo augljóslega er farið með rangt mál að það stingur mann beinlinis í augun.

[Sigurður Axel Hannesson, 25.9.2008 kl. 20:49]

Segðu! Ég er enn að kroppa prjónana úr augunum. ;)

Að öllu gamni slepptu - eða mestu, í það minnsta -  þá finnst mér þessum áður trausta fjölmiðli fara ört hrakandi síðustu misserin. Ég veit ekki hvort um sumarafleysingafólki er að kenna, breyttum mannaráðum yfirleitt, eða öðru. Sí ofan í æ, rek ég mig á svo ófullkominn fréttaflutning hér, hvernig sem á það er litið; efnis- eða málfarlslega, að mig langar mest til að gráta og hlæja í senn.