Vitlaust veður?

Hvers vegna leiðréttið þið þá ekki veðrið?

Vitlaust veður á Seyðisfirði

Athugasemdir

[Samúel Úlfur Þór, 19.12.2009 kl. 22:26]

Ég verð nú að vera sammála þér í þessu. Mér finnst þessi "orðanotkun" frekar kjánaleg, hvað þá sem fyrirsögn í blaði...

Auðvitað var þarna óveður eða snjóstormur, en ekki vitlaust veður. Nema þetta hafi náttúrulega ekki verið veðrið sem var pantað...

kkv, Samúel Úlfr

[Sigurður Axel Hannesson, 19.12.2009 kl. 22:58]

Einmitt það sem hvarflaði að mér, Samúel. Ekki njóta allir þeirra forréttinda að geta pantað veður - já, og fengið það! A. m. k. hefur aldrei verið tekið mark á mínum pöntunum til þessa. :)

[Arnór Baldvinsson, 20.12.2009 kl. 02:38]

Sæll Sigurður,

Það er ekki vitlaust í þeirri merkingu að það sé ekki rétt, heldur í þeirri merkingu að vitlaus sé sama og brjálaður, þ.e. að það sé brjálað veður.  Þetta er gamalt mál og ekkert rangt við það.  Foreldrar mínir sem fæddust á Austfjörðum og Vestfjörðum fyrir 1920 notuðu bæði þetta orðtæki.  Þau töluðu líka um að það væri "alveg kolvitlaust veður" þegar veður var sérlega slæmt.  Það var líka talað um að það væri "brjálað veður" sem er það sama og vitlaust veður.  Ég hef hinsvegar aldrei heyrt eða séð orðið "snjóstorm" sem Samúel vitnar í, á íslensku nema í lélegum þýðingum úr ensku (snowstorm)

Kveðja frá Port Angeles, WA,

[Sigurður Axel Hannesson, 20.12.2009 kl. 18:06]

Að sjálfsögðu hefurðu rétt fyrir þér, kæri Arnór. Við búum vel að eiga svo fjölbreytt tungumál sem íslenskuna, þar sem nánast hvert orð getur haft margar og gerólíkar merkingar. Enda kjörið til orðaleikja og vísvitandi misskilnings. :)