Undarleg fyrirsögn

... Nema kvefið sé farið að hafa alvarlegri áhrif á heilastarfsemina en ég gerði mér grein fyrir. Í fyrstu áleit ég að jarðskjálfti sem átti upptök sín í Singapúr, hafi fundist alla leið til Íslands. Þegar ég las greinina kom hið sanna að sjálfsögðu í ljós; jarðskjálfti sem reið yfir Indónesíu fannst í Singapúr, en svo vildi til að þar voru íslendingar á ferð.

Ég gef fréttariturum Morgunblaðsins fullt hús stiga fyrir þessa fyrirsögn. Annarsvegar fyrir hve ruglingsleg hún er, hinsvegar vegna þess hve mikilvægt það er að íslendingar hafi orðið varir við skjálftann.

Líklega er kvefið farið að hafa alvarleg áhrif á hugsanir mínar. 

Íslendingar urðu varir við skjálftann í Singapúr

Athugasemdir

[Josiha, 12.9.2007 kl. 14:25]

Skildi þetta líka eins og þú. Mjög ruglingslegt.

[Gaui (IP-tala skráð) 12.9.2007 kl. 15:39]

Alveg sammála, ég skildi hann alveg eins og þú. Betri fyrirsögn hefði t.d. verið: „Íslendingar í Singapúr urðu varir við sjálftann í Indónesíu“.

[Birna (IP-tala skráð) 12.9.2007 kl. 16:14]

Ja, eg er lika sammala. Skildi thetta alveg eins og thu.

[Sigurður Axel Hannesson, 12.9.2007 kl. 17:20]

Eruð þið nokkuð kvefuð líka? Annars er mér sennilega að batna.

Þakka innlitið og athugasemdirnar. Var nærri því búinn að gleyma þessari síðu sjálfur.