Ósamræmi

Í frétt Morgunblaðsins er skrifað að Elín hafði ríflega 19,3 milljónir króna í laun á því ári [og gengdi starfi í tvo mánuði]. Í frétt Vísis er þó skrifað að hún hafi fengið rúmar 19 milljónir króna í laun hjá Landsbankanum í fyrra, en hún starfaði einungis hjá bankanum fyrstu þrjá mánuði ársins. Skv. Morgunblaðinu starfaði Ásmundur í 10 mánuði og hlaut rúmlega 17,5 milljónir í laun, en samkvæmt Vísi 17,5 milljón króna í laun fyrir í fyrra.

Starfaði Elín í tvo eða þrjá mánuði, og Ásmundur í níu eða 10?

Það er þó nokkuð ljóst að um 6 milljón króna tekjur Elínar á mánuði, eru umtalsvert hærri en um 2 milljón króna mánaðartekjur Ásmundar. Merkilegt að ekkert heyrist í femínistum um þetta mál.

Elín launahærri en Ásmundur í Landsbankanum 2009

Laun opinberra starfsmanna

Mín laun eru um 350 þús. á mánuði,, eða þar um bil. Svo er ég á bakvakt eina viku, til taks 24 tíma sólarhringsins. Á þeirri viku hef ég 30 mínútna viðbragðstíma. Þar fyrir utan fæ ég greidda fasta 25 yfirvinnutíma, og hvorki meira né minna.

Almennt vinn ég allt að 50 yfirvinnutíma á mánuði, en fæ einungis 25 greidda. Oftar en ekki vinn ég 100 yfirvinnutíma á hálfum mánuði, og fæ samt sem áður 25 yfirvinnutíma greidda á mánuði. Ég vinn hjá opinberri stofnun.

Þið, sem kvartið vegna þess að allt sé svo gott og fínt og flott hjá opinberum starfsmönnum - hættið því. Okkar val stendur á milli þess að vinna alla þá yfirvinnu (sem hefur margfaldast í kjölfar hrunsins) sem við neyðumst til án þess að fá greitt fyrir, eða segja upp eða vera sagt upp.

Atvinnuleysisbætur eru betri. Þá þyrfti ég ekki að eyða 3/4 lífs míns í vinnu, þar af 2/4 sem ég fæ alls ekki greitt, en er engu að síður skikkaður til að vinna.

Ég er til í að skipta um starf hvenær sem er. Hér er ekkert starfsöryggi, lítil sem engin hlunnindi, ótakmörkuð og ógreidd yfirvinna, og þar fram eftir götunum.

Segir laun flugvirkja ýkt

Mikill munur nú þegar

Betri helmingurinn og ég brugðum okkur í Hagkaup í Skeifunni á annan í jólum, til að afla ýmissa nauðsynja. Datt í hug að kanna verðið á kökukeflum í leiðinni, og sáum eitt ofsa fínt á 1.990 kr. Tókum það með að kassanum til að fá verðið staðfest, en þar blasti allt önnur upphæð við; litlar 5.990 kr. Því var að sjálfsögðu snarlega skilað, og út var gengið með mjólk, ger og fleira lítilræði.

Af þessu lærðum við tvennt:

1. Aldrei að treysta verðmerkingum á hillum.

2. Tveggja lítra kókflaska fyllt af vatni er ágætt kökukefli.

Munur á hilluverði og kassaverði í janúar

Vitlaust veður?

Hvers vegna leiðréttið þið þá ekki veðrið?

Vitlaust veður á Seyðisfirði

Handbremsubeygja?

Mesta mildi að engir slösuðust. Mig fýsir þó að vita hvurnig í ósköpunum barninu datt í hug að grípa til handbremsunnar!

Nei, ég harðneita að kenna sjónvarpsáhorfi og tölvuleikjum um - annað og/eða meira býr að baki.

Greip í handbremsuna

Með fullri virðingu

Læra sunnlendingar aldrei að aka eftir aðstæðum? Hvað er svo flókið við að halda svolitlu bili á milli sín og næstu bifreiðar? Þú kemst ekki hraðar en bifreiðin sem á undan þér er, svo mikið er víst.

Ég hlusta ekki á afsakanir um "sumardekk". Keyrðu eftir aðstæðum hverju sinni - hvort sem þú ert á gatslitnum sumardekkjum, eða grófnelgdum vetrardekkjum. Sumardekk virka allt árið um kring - ef þú ekur eftir aðstæðum! Naglar eru úreltir, skeljar eru betri, loftbólur bestar af því sem í boði er.

Afsakið ykkur ekki með slæmum dekkjabúnaði - viðurkennið eigin ógát og lærið af.

Mörg umferðaróhöpp í hálku

Stærð 54?

Já, en ég vildi vita meira um litinn, efnið, og mynstur vefnaðarins - stærðin ein segir mér lítið!

Stal átta jakkafötum í stærð 54

Hvurnig má það vera?

Þetta er jú stjórnin sem ætlaði að koma til móts við heimili og fyrirtæki - og hefur gert það á mjög svo eftirminnilegan hátt! Engum til góða nema sjálfum ríkiskassanumm öðrum til baga og vandræða. Hvers vegna styður fólk slíka stjórn - mér er spurn!

Ráð þeirra, að því er mér virðist:

Hækkum skatta, lækkum tekjur. Þeir sem skulda minnst, fara bara á hausinn. Þeir sem skulda aðeins meira - æi, skítt með þá! Lýsið bara öll yfir gjaldþroti! Það hlýtur að hafa jákvæð áhrif á endanum?!

Stuðningur við stjórnina eykst

Hananú?!

Hvernig í ósköpunum stendur á því að vesælustu lögin komast alltaf áfram? Rennir aðeins frekari stoðum undir þá skoðun mína að einungis sé um sýndarmennsku að ræða - ekki hæfileika!

Til hamingju Ísland; enn á ný komið þið sannkölluðum leirburði á brauðfótum á framfæri! Með fullri virðingu fyrir Jóhönnu - hún er aðeins flytjandi hroðans, og ekki við hana að sakast.

Ísland komið áfram

Nýgræðlingur og fréttaþurrð?

Ég klóraði mér í höfðinu við lestur þessa "frétta" skots; var ekki viss hvort að ég væri að lesa eitthvað úr Morgunblaðinu eða slúðursneplinum Séð & heyrt. Fréttablöð eiga að vera óháð og blaðamenn almennt ekki að skjóta inn eigin athugasemdum eða aðfinnslum líkt og í þessari ekki-frétt. Ámátleg tilraun til fyndni, eða hvað?

Manson og Spears?